Извадоци од Статутот на СДСМ

• Член на СДСМ може да биде секој полнолетен граѓанин - државјанин на Република Македонија, кој ќе даде изјава за доброволно членство во Партијата и кој ги прифаќа одредбите од овој Статут и Програмската декларација.
• Членот на СДСМ ги има следните права и обврски:
• да учествува во градењето и остварувањето на политиката на Партијата;
• самостојно да презема иницијативи кои не се спротивни на овој Статут и на основните програмски и политички ставови на Партијата;
• да избира и да биде избран во сите органи на Партијата;
• да биде кандидат н апартиските листи за парламентарните и за локалните избори;
• да биде редовно информиран за активностите на Партијата и критички да се осврнува врз нив;
• да прима солидарна помош од Партијата, во согласност со посебни акти, особено во случај на повреди на неговите права поради членување во неа;
• својата активност да ја извршува во согласност со Статутот;
• да ги издвои сопственото мислење, предлози и ставови со кои останува во малцинството при расправата и во донесувањето одлуки и има право да бара нивно повторно разгледување кога ќе оцени дека се создале услови за тоа, да го извести и да бара поддршка од членството тие повторно да бидат разгледани од страна на организацијата или органот на Партијата во кои не би добиле мнозинска поддршка;
• редовно да дава материјална поддршка на Партијата во вид на членарина, прилози и други облици на помош.